• Fyrirtækið
• Þjónusta
• Vörur
• Verkefni
• Þjónustuborð

Tikktakk hugbúnaður hefur yfirumsjón með þróun á vefþulunni, sem sannarlega hefur slegið í gegn á Íslandi og má finna á fjölda vinsælla vefsvæða.

Vefþulan er í boði sem vefþjónusta fyrir þau fyrirtæki og stofnanir sem láta aðgengismál sig einhverju skipta.

Vefþulan fyrir skóla

Skólar og aðrir sem þjónusta lesblinda námsmenn geta fengið aðgang að Vefþulunni á hagkvæmu verði.
Við vinnum nú að því að hanna vefsíður sem auðvelda nemendum námið, bæði með því að lesa fyrir þá texta og með því að auðvelda þeim að taka próf.Áætlað er að milli 5 og 10 % þjóðarinnar séu með lesblindu.

Vefþulan á sér marga aðstandendur. Fyrst ber að nefna Ragnheiði Elínu Clausen, sem ljáði henni rödd sína. 

Menntamálaráðuneytið styrkti gerð Þulunar. Síminn sá um heildarfjármögnun og stjórnaði stýrihópnum. Hexia sá um framkvæmdastjórn við gerð Þulunar, allt daglegt umstang og skipulag og lagði verkefninu til einn sérmenntaðan starfsmann, Björn Kristinsson, sem sendur var til Belgíu til að vinna að gerð Röggu hjá Nuance.Háskóli Íslands lagði til guðföður Þulunar, Eirík Rögnvaldsson, sem stýrði þróun málfarsreglna þeirra og hljóðmengja sem Þulan þurfti að kunna skil á. Auk þess átti Háskóli Ísland drjúgan þátt í fjármögnun verkefnisins og gagnavinnslu tengdu því. Trackwell lagði til aðstoð við rekstur og skipulagningu. Nuance sá um tæknivinnslu og lagði til hinn undirliggjandi talgervil. Þulan var tekin upp í Stúdíó Upptekið.


Vefþulan er talgervill sem byggir á RealSpeak 4, sem er talgervilstækni sem fyrirtækið Nuance þróar. Munurinn á Rödd þulunar og eldri gerðum talgervla er sá að hún stafar ekki hljóðin heldur á hún í mörgum tilfellum orðið í heild sinni í réttri mynd. Þannig hljómar hún umtalsvert betur en eldri gervlar, þar sem samskeyti hljóða eiga það til að heyrast mjög greinilega. Þegar við vorum að búa hana til var lögð mikil vinna í að kortlegga öll hljóð sem notuð eru í nútíma íslensku - og síðan var saminn texti þar sem öll þessi hljóð komu fyrir í öllum hljómföllum sem notuð eru. 

Ragnheiður Clausen var fengin til að lesa þennan texta og eyddi hún nokkrum vikum í hljóðveri við það. Þess má til gamans geta að Nuance hefur aldrei séð nokkrar upptökur ganga svo hratt og örugglega fyrir sig - og eiga Ragnheiður og upptökustjórarnir í Stúdíó Upptekið mikinn heiður skilinn. Þegar búið var að lesa textann voru upptökurnar sendar til Belgíu, þar sem þær voru klipptar niður í svokallaða hljóðunga, sem eru hljóðbútar af mismunandi lengdum. 
Morgunblaðið og Edda - miðlun og útgáfa, höfðu látið okkur í té tíðnitöflur yfir algengustu orð í íslensku skrifmáli og voru þær töflur hafðar til hliðsjónar við val á orðum sem æskilegt væri að væru til heil. 


Hvað kostar Vefþulan

Aðgangur að vefþulunni fyrir hvern vef er 200.000,- + VSK á ári og hægt er að bjóða uppá aukatungumál með 50% afslætti.


Hvaða raddir eru í boði og hvaða tungumál.
Íslenska - RaggaEnska - Kven og karlmannsrödd
Spænska - Kven og karlmannsrödd
Þýska - Kven og karlmannsrödd
Sænska - Kven og karlmannsrödd
Tælenska - Kven og karlmannsrödd
Finnska - Kven og karlmannsrödd
Portúgalska - Kven og karlmannsrödd
ofl ofl...Hægt að skoða og prufa raddir hérna: http://www.nuance.com/vocalizer5/flash/index.html